BE.49 Logu no.47
SAI RO MA TU BARA

Ayat 1
Sai ro ma tu bara di Betlehem on Hamu na porsea hatop ma tu son
Marnida halalasan ni rohanta i Tinongos ni Ama na di surgo i

Ayat 2
O ida hamu ma di bara inon Dakdanak na tubu disi borngin on
Uli do rupana maa na tiur O bereng Ibana ho gabe tiur

Ayat 3
Las roha Maria nang Josep disi Marnida na metmet na sorang tusi
Marsomba tu patna do parmahan i Di ginjang marende pardisurgo i.

Ayat 4
Pasinggang ma totmu hamuna sude Maniru parmahan marsomba muse
Marende hamu na marlas roha i Maniru suruan na di ginjang i

Ayat 5
Sai dok ma O Anak ni Debata i Ho ro sian ginjang dibaen asiMi
Di hami sudena na mardosa on Mambaen haluaon di hami tongtong

Ayat 6
Tung aha ulaning denggan di rohaM ? Silehononnami baen las ni rohaM ?
Nang sere nang perak ndang pinangidoM Ai roha na ias sambing do lomoM

Ayat 7
Antong rohanami ma peleanMi O Jesus hasian sai jalo ma i
Ias jala sonang ma baen angka i Tongtong gabe domu ma tu rohaMi.
